ਜੂਨ 84 ਨੂੰ ਯਾਦ ਕਰਦਿਆਂ


ਹਰਿਮੰਦਰ ਦੀ ਜੂਹ ਦੇ ਅੰਦਰ
ਜਿੰਦ ਮਲੂਕ ਪਿਆਸੀ
ਧਰ ਦੇ ਨੂਰ ਦੇ ਆਲਮ ਅੰਦਰ
ਚੜ੍ਹਿਆ ਜੂਨ ਚੌਰਾਸੀ।
.
ਸੈਆਂ ਨਾਗ ਉਮਲ੍ਹਦੇ ਆਵਣ
ਆਵਣ ਬੰਨ੍ਹ ਕਤਾਰਾਂ
ਕਾਇਨਾਤ ਦੇ ਫੁੱਲ ਨੂੰ ਡੱਸਣ
ਡੱਸਣ ਲੱਖ ਹਜ਼ਾਰਾਂ।
.
ਸ਼ੀਰਖੋਰਾਂ ਦਾ ਖੂਨ ਡੁੱਲਿਆ
ਨਿਰਮਲ ਸਰਵਰ ਅੰਦਰ
ਅਕ੍ਰਿਤਘਣਾਂ ਨੇ ਜ਼ਾਤ ਵਿਖਾਈ
ਤੱਕ ਤੱਕ ਰੋਵੇ ਅੰਬਰ।
.
ਕੌਮ ਮੇਰੀ ਦੇ ਸਿਰ ‘ਤੇ ਝੁੱਲਿਆ
ਘੱਲੂਘਾਰਾ ਭਾਰੀ
ਤੀਜੀ ਵਾਰੀ ਹੋਣੀ ਲਾਇਆ
ਲਾਇਆ ਵਾਰ ਕਰਾਰੀ।
.
ਸ਼ਹੀਦ ਗੁਰੁ ਦੀ ਯਾਦ ਸਿੱਖਾਂ ਦੇ
ਸੀ ਸੀਨੇ ਵਿੱਚ ਵੱਸੀ
ਬਿਪਰ ਡੰਗ ਚਲਾਇਆ ਐਪਰ
ਨਿਰਮਲ ਸਿੱਖੀ ਡੱਸੀ।
.
ਤਖਤ ਅਕਾਲ ਉੱਚੜੇ ਅੰਦਰ
ਭੌਰੇ ਕਰਨ ਉਡੀਕਾਂ
ਜ਼ਹਿਰੀ ਲਾਟ ਸੀਨੇ ‘ਤੇ ਝੱਲੀਏ
ਪੰਥ ਨਾ ਲਾਈਏ ਲੀਕਾਂ।
.
ਸੰਤ ਜਰਨੈਲ ਕਿਹਾ ਗਰਜ ਕੇ
ਸੁਣ ਲਓ ਸਿੰਘੋ ਸਾਰੇ
ਕਲਗੀਧਰ ਦੇ ਚਰਨਾਂ ਉੱਤੋਂ
ਵਾਰੀਏ ਸੀਸ ਪਿਆਰੇ।
.
ਗਰਜ ਸ਼ੇਰਾਂ ਦੀ ਪੌਣ ‘ਚ ਫੈਲੀ
ਦਹਿਲੇ ਨਾਗ ਵਿਹੁਲੇ
ਅਕ੍ਰਿਤਘਣਾਂ ਦੇ ਸੀਨੇ ਕੰਬੇ
ਵੇਖ ਕੇ ਸਿੰਘ ਰੋਹੀਲੇ।
.
ਲਾਲੀ ਚੜ੍ਹੀ ਅੰਬਰ ‘ਤੇ ਗਹਿਰੀ
ਵੇਖਣ ਭੋਲੇ ਬੱਚੜੇ
ਬੁੱਤ ਪੂਜਾਂ ਨੇ ਡੰਗ ਡੰਗ ਸਿੱਟੇ
ਬਾਲਕ ਪਿਆਰੇ ਸੱਚੜੇ।
.
ਸਿੰਘਾਂ ਦੇਸ ਸ਼ਹੀਦੀ ਵੇਖੇ
ਵੱਢ ਵੱਢ ਨਾਗ ਹਜ਼ਾਰਾਂ
ਕਲਗੀਧਰ ਦਾ ਬੋਲ ਪੁਗਾਇਆ
ਸੱਚੜੇ ਕੌਲ ਕਰਾਰਾਂ।
.
ਕਲਗੀਧਰ ਦੀ ਯਾਦ ਪਿਆਰੀ
ਜੇ ਸੀਨੇ ਵਿੱਚ ਰੱਖੀਏ
ਧਰ ਤੋਂ ਜ਼ੁਲਮ ਮੇਟਕੇ ਸਾਰਾ
ਸੁਆਦ ਸ਼ਹੀਦੀ ਚੱਖੀਏ।

-ਪ੍ਰਭਸ਼ਰਨਬੀਰ ਸਿੰਘ

Comments

  1. Another great work indeed!!!! Beautiful..
    AKS

    ReplyDelete
  2. its quite moving indeed. Good for liquefying the heart. But a word: these memories should serve only one purpose majorly, that of providing motivation towards a spiritual state.

    ReplyDelete

Post a Comment

Popular posts from this blog

The Burden- ਮਨਿੰਦਰ ਸਿੰਘ ਕਾਂਗ ਰਚਿਤ ਪੰਜਾਬੀ ਕਹਾਣੀ ਭਾਰ- ਇਕ ਪੁਲਿਸ ਕੈਟ ਦੀ ਗਾਥਾ ਦਾ ਅੰਗਰੇਜੀ ਅਨੁਵਾਦ

ਆਧੁਨਿਕਤਾ, ਬਰਬਰਤਾ, ਅਤੇ ਪੰਜਾਬੀ ਕਵਿਤਾ

ਸਿੱਖ ਸੰਘਰਸ਼ ਤੇ ਪੰਜਾਬ ਦੇ ਖੱਬੇਪੱਖੀ ਚਿੰਤਨ ਦਾ ਸੰਕਟ